Lagaheimildir að baki þjónustunni

Almenn hegningarlög

Lögin fjalla meðal annars um hótanir, líkamsárásir og annað refsivert ofbeldi. Þau geta skipt máli ef mál barns tengist refsiverðri háttsemi.

Lög um samning Sameinuðu þjóðanna um réttindi barnsins

Lögin staðfesta samning Sameinuðu þjóðanna um réttindi barnsins í íslenskum rétti. Þau undirstrika meðal annars rétt barns til verndar, velferðar og þátttöku.

Barnalög

Lögin fjalla um forsjá, umgengni og réttindi foreldra og barna. Þau eru helsta lagaheimildin í málum um fjölskyldurétt og stöðu barns eftir samvistarslit.

Barnaverndarlög

Lögin fjalla um vernd barna þegar aðstæður þeirra eða hegðun valda áhyggjum. Þau skapa ramma um inngrip og úrræði þegar barn er talið í hættu.

Lög um nálgunarbann og brottvísun af heimili

Lögin fjalla um nálgunarbann og brottvísun af heimili þegar öryggi er ógnað. Þau geta skipt miklu máli í málum þar sem ofbeldi, hótanir eða þvingun hafa áhrif á stöðu barns og foreldris.

Lög um samþættingu þjónustu í þágu farsældar barna

Lögin eiga að stuðla að samræmdri þjónustu í þágu farsældar barna. Þau skipta máli þegar mörg kerfi eða stofnanir þurfa að vinna saman vegna stöðu barns.

Lög um grunnskóla

Lögin fjalla um starfsemi grunnskóla, velferð nemenda og ábyrgð skóla og sveitarfélaga. Þau skipta miklu máli þegar meta þarf skyldur skóla gagnvart barni.

Reglugerð um ábyrgð og skyldur aðila skólasamfélagsins í grunnskólum.

Reglugerðin fjallar um ábyrgð og skyldur innan skólasamfélagsins, þar á meðal viðbrögð við einelti og samskipti innan grunnskóla. Hún skýrir nánar hvernig skólar eiga að bregðast við og halda utan um mál.

Menntamál. Grunnskólar. Einelti. Yfirsjórnunar- og eftirlitsheimildir.

Málið laut að kvörtun vegna niðurstöðu ráðuneytisins um einelti í grunnskóla. Umboðsmaður taldi ekki tilefni til frekari aðgerða þar sem ráðuneytið hafði þegar tekið efnislega afstöðu til athugasemdanna.

Tafir hjá stjórnvaldi á afgreiðslu máls. Grunnskólar. Einelti.

Málið laut að drætti á afgreiðslu kvörtunar um einelti í grunnskóla hjá ráðuneyti. Eftir að umboðsmaður leitaði skýringa var erindinu svarað og málinu því lokið án frekari aðgerða.

Menntamál. Grunnskólar. Stjórnvaldsákvörðun. Stjórnsýslukæra. Yfirstjórnunar- og eftirlitsheimildir.

Málið snerist að því hvernig ráðuneyti sinnti eftirliti með kvörtun foreldris vegna stjórnsýslu grunnskóla. Umboðsmaður taldi viðbrögð ráðuneytisins ekki nægilega skýr og beindi því til þess að taka málið aftur til skoðunar.